1. Datos da empresa
A entidade responsable de operar a plataforma LeyroChain e de procesar as devolucións descritas neste documento é:
2. Kits LeyroSpot (produto físico)
Os kits LeyroSpot véndense a distancia a través de chain.leyro.es. Aplícaselle o RD 1/2007 (Lei Xeral para a Defensa de Consumidores), art. 102:
Como exercer o dereito
- Envía un email a info@leyro.es co asunto "Devolución kit" antes dos 14 días desde recepción.
- Inclúe o número de pedido (do email de confirmación Stripe) e o motivo (opcional).
- Recibirás instrucións de envío de retorno. Os gastos de devolución corren á túa conta, salvo defecto do produto.
- Unha vez recibido o kit en bo estado, reembolsamos o importe íntegro nun prazo máximo de 14 días pola mesma vía de pago (Stripe).
Excepcións
• Tags LeyroSpot xa codificados con UUID e asociados a animais reais perden o dereito de desistimento (servizo de codificación personalizado).
• Kits con defecto de fabricación: substitución gratuíta sen prazo. Contáctanos co número de pedido e foto do defecto.
Cantidade reembolsada
Reembólsase o 100 % do prezo pago (kit + IVA + gastos de envío orixinais). Se o kit chega danado pola devolución, podemos descontar a perda de valor (raro; non se aplica a kits sen abrir).
3. Subscricións SaaS (plans Básico e Pro)
As subscricións son servizos dixitais de acceso continuo. Ao subscribirte aceptaches expresamente que o servizo se activase de inmediato, polo que o dereito de desistimento de 14 días non se aplica (RD 1/2007 art. 103.m).
Podes cancelar a túa subscrición en calquera momento dende o teu portal de cliente (Stripe). A cancelación é efectiva ao final do período xa pagado — non se reembolsan meses xa cobrados.
O acceso ao servizo continúa ata o último día do período pago. A partir de aí, baixa automaticamente ao plan Free (mantén os teus datos pero limita funcionalidades premium).
Excepción: se houbera unha indispoñibilidade técnica imputable a LeyroChain superior a 7 días consecutivos nun mes, reembolsamos proporcionalmente os días afectados. Para reclamalo, escribe a info@leyro.es.
4. Marketplace — compra de animais entre particulares
No marketplace LeyroChain non é parte da transacción: facilitamos pago seguro (escrow) e contrato dixital entre comprador e vendedor. As devolucións dependen da fase do proceso:
Antes da entrega do animal
Se a venda está en estado RESERVED ou CONTRACT_PENDING (xa houbo pago pero o animal aínda non foi entregado), comprador e vendedor poden cancelar de mutuo acordo. O escrow Stripe devolve o 100 % do importe ao comprador. Sen comisión retida.
Despois da entrega do animal
Unha vez confirmada a entrega no marketplace (estado DELIVERED) e liberado o pago ao vendedor, a transacción considérase pechada. Devolucións por defectos sanitarios non detectados antes da entrega non se procesan de forma automática — abre unha disputa (ver seguinte sección).
Disputas
Calquera das partes pode abrir unha disputa formal dende a app (botón "Abrir disputa" en Marketplace → Detalle da venda). Activamos o fluxo Documenso de resolución: ambas partes presentan probas, e a plataforma media nun prazo máximo de 30 días. Se a disputa resólvese a favor do comprador, emítese factura rectificativa e o escrow inverte total ou parcialmente.
Aviso: LeyroChain non garante a calidade sanitaria do animal entregado. Esa responsabilidade é do vendedor segundo o contrato de compraventa, e a documentación veterinaria asinada electrónicamente serve como proba ante calquera tribunal.
5. Resolución de conflitos
Calquera reclamación non resolta polas vías anteriores pode dirixirse a info@leyro.es. Se non chegamos a un acordo, recordámosche que como consumidor europeo tes acceso á plataforma de Resolución de Litixios en Liña (ODR) da Comisión Europea: